Historiku

“Vagalat Shpk” është një kompani, e cila i ka fillesat e saj shumë shpejt në sektorin e ndërtimit, infrastrukturës urbane dhe shërbimeve ndërtimore.

Çdo gjë ka nisur në tetor të  vitit 1995 ku kompania ofronte kryesisht punime topografike, pjesëmarrje në projekte të mëdha urbanistike dhe në përpunimin e hartave të pasurisë së patundshme.

Kjo duke u nisur dhe nga profili akademik i një prej themeluesve të kompanisë Sefer Hoxha i cili zotëron kualifikim në profilin e topografisë.

Shërbimet e topografisë vazhduan deri në vitet 2000 ku dy vëllezërit Sefer Hoxha dhe Pano Hoxha vendosën të zgjeronin më tej shoqërinë,  e cila do të ofronte shërbime të cilat do karakterizoheshin nga standartet, cilësia dhe profesionalizmi.

“Vagalat Shpk” u zgjerua më tej në vitin 2000 duke filluar menjëherë punën në sektorin e ndërtimit dhe duke u përpjekur për të realizuar projekte madhore në infrastrukturë dhe ndërtime industriale.

Shoqëria “Vagalat Shpk” operon me përgjegjësi të lartë ndaj gjithë detyrave që i parashtrohen dhe  që konsistojnë në zhvillimin e projekteve shumë të rëndësishëm për ndërtimin civil. Portofoli i kompanisë zotëron shumë punë madhore, rrugë nacionale, ujësjellës dhe kanalizime si dhe objekte banesash luksoze.

Shërbimet do të vazhdojnë të ofrohen në çdo fushë në të cilën duhet eksperienca ndërtimore, infrastrukturore, integriteti si dhe profesionalizmi i punës së standarteve të larta.